पर्साका दुई चिकित्सकहरु ‘राष्ट्रीय स्वास्थ्य’ सम्मानद्वारा सम्मानित,सम्मानले उत्साहित बनाएको चिकित्सकद्वयको प्रतिक्रिया

2/27/2021 गते 00 00 मा प्रकाशित 896 पटक पढिएको

नेपाल टेलिभिजनमा प्रसारण हुने स्वास्थ्य दर्पण मिडिया द्वारा कोविड १९ महामारीमा महिला स्वास्थ्य क्षेत्रमा पुर्याएको योगदानका वापत पर्सा जिल्लाका दुईजना चिकित्सक सम्मानित भएका छन् ।

वरिष्ठट स्त्री रोग विषेशज्ञ डा. लक्ष्मी थापा र बरिष्ठ फिजिसियन डा. निरज सिंह सम्मानित हुनु भएको हो ।
प्रज्ञा प्रतिष्ठान काठमाण्डौमा आयोजित कार्यक्रममा पुर्व उप–प्रधानमन्त्री प्रकाशमान सिंहले ‘राष्ट्रीय स्वास्थ्य’ सम्मानपत्रले उहाँहरुलाई सम्मान गर्नु भएको हो ।

स्वस्थ्य दर्पण मिडिया प्रा.लि. को ९ औ वार्षिक उत्सवको अवसरमा वहाँहरुलाई सम्मानित गरिएको हो । कार्यक्रम स्वास्थ्य दर्पणका अध्यक्ष सन्दिप श्रेष्ठको अध्यक्षतामा समपन्न भएको थियो ।

सम्मानले आफूलाई झनै उत्साहित बनाएको डा. लक्ष्मी थापाले बताउनु भयो । कोभिडकालमा नागरिकलाई पुर्याएको सेवाको पहिचान भएकोले र यसले आफूलाई झनै जिम्मेवार बनाएको भन्दै डा. थापाले नागरिकको सेवामा उत्साहपूर्वक क्रियाशिल भइरहन सम्मानले बल मिलेको बताउनु भयो ।

त्यस्तै डा. सिंहले पनि सम्मानले कोभिडकालको कठिन यात्राको स्मरण गराएको बताउनु भयो । समाजले त्यतीबेलाको योगदानलाई सम्झेकोमा खुशी लागेको उहााले बताउनु भयो ।