पोखरिया । पोखरिया नगरपालिका–३, बसनपुर टोलमा आइतबार निःशुल्क आँखा जाँच तथा मोतियाबिन्दु परीक्षण शिविर सम्पन्न भएको छ।
लायन्स क्लब बीरगंज परिवार, लायन्स क्लब बीरगंज सेन्ट्रल सिटी तथा जोन चेयरपर्सन डा. लक्ष्मी थापाको सहयोगमा आयोजित शिविर राष्ट्रिय मुक्ति पार्टी नेपालका सह–महासचिव नेजामुद्दीन शमानी र नेपाली काँग्रेसकी नेत्री आशा देवीको पहलमा सञ्चालन गरिएको हो।
शिविरमा तिलगंगा आँखा प्रतिष्ठान र बीरगंज सामुदायिक आँखा केन्द्रका विशेषज्ञ चिकित्सकहरूले सेवा प्रदान गरेका थिए। आइतबार सम्पन्न जाँचमा ७५ जनामा मोतिबिन्दु रोग पत्ता लागेको छ।
मंसिर १७ गतेदेखि पोखरिया नगरपालिकाका १० वटै वडामा सञ्चालन भएका आँखा जाँच शिविरमा २ हजार ६ सय जनाको परीक्षण गरिएको थियो। तीमध्ये ५ सय ७४ जनामा मोतिबिन्दु रोग देखिएको र सबैको निःशुल्क शल्यक्रिया गरिने जानकारी लायन नरोत्तम पाण्डेयले दिएका छन्।
हरिन्द्र महतो केवटको अध्यक्षतामा सम्पन्न शिविरमा नेजामुद्दीन शमानी, आशा देवी, नन्दकिशोर चौहानलगायतको उपस्थिति रहेको थियो।
तपाईको प्रतिक्रिया