काँग्रेस एमालेको टोल/टोलमा चुनावी सभा पानीमा रुझ्दै मतदाता घरदैलोमा
भक्तपुर, २६ वैशाख । वैशाख ३१ गतेको स्थानीय तहको निर्वाचन नजिकिँएसँगै भक्तपुरमा काँग्रेस र एमालेले टोल/टोलमा चुनावी सभामा व्यस्त हुन थालेका छन् । नेपाली काँग्रेस मध्यपुर थिमिले आज बोडेमा आयोजना गरेको चुनावी सभालाई सम्बोधन गर्दै सोही दलका केन्द्रीय सदस्य मीन विश्वकर्माले १८ वर्ष पछि हुनलागेको स्थानीय तहको निर्वाचन सफल पार्न सबै लाग्नुपर्ने बताउनुभयो ।
निर्वाचनलाई महोत्सवको रुपमा लिएर शान्ति पूर्णरुपमा निर्वाचन सम्पन्न गर्नुपर्ने उहाँको धारणा थियो । कार्यक्रममा मध्यपुरथिमि नगरपालिकामा नेपाली काँग्रेसको तर्फबाट प्रमुखको उम्मेदवार बन्नुभएका अष्टकुमार कवेंले नगरको विकासका लागि नेपाली काँग्रेस मात्र सक्षम भएको बताउनुभयो । उहाँले आफू विजयी भए एकवर्षभित्र जनताले अनुभूति गर्नेगरी नगरको विकासमा लागिपर्ने बताउनुभयो ।
काँग्रेससँग प्रतिस्पर्धामा उत्रिएको एमालेले पनि सोही नगरपालिकाको भुलाखेलमा चुनावी सभा गरेको छ । सभामा बोल्दै मध्यपुरथिमि नगरपालिकामा प्रमुखका उम्मेदवार मदनसुन्दर श्रेष्ठले नगरपालिकाको भ्रष्टाचार हटाएर नगरपालिकालाई स्वच्छ रुपमा विकास गर्नु आवश्यक रहेको बताउनुभयो ।
उहाँले मध्यपुरथिमि नगरपालिका, कोरिया मैत्री अस्पताल, कमेरोटार जग्गा एकीकरण आयोजनालाई चुस्त बनाउने र मध्यपुरलाई पर्यटकीय, सांस्कृतिक नगरको रुपमा विकास गर्दै बाह्य तथा आन्तरिक रिङरोड बनाउने बताउनुभयो ।
कार्यक्रममा उपप्रमुखका उम्मेदवार केदार खड्काले नगरको विकासका लागि वाम एकताको आवश्यकता महसुस गरी चुनावी मैदानमा आएको बताउनुभयो ।
आजै बिहान परको पानीको पर्वाह नगरी नेकपा एमाले र नेपाली काँग्रेसले घरदैलो अभियान तीव्र पारेका छन् । एमालेले मध्यपुर थिमिको निकोसेरादेखि, कमेरोटार, सिन्टिटार हँुदै मध्यपुरथिमिको विभिन्न क्षेत्रमा घरदैलो गर्दै भोट मागेका छ भने नेपाली काँग्रेसले पनि घदैलो अभियान अघि बढाएको छ।
सम्बन्धित शीर्षकहरु
सीमापारी/अन्तराष्ट्रिय
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
समस्यामा परेका विद्यार्थीहरूलाई आफ्नो विवरण पेश गर्न नेपाली दूतावास युएईको आग्रह
काठमाडौं । यूएईमा रहेको नेपाली दूतावासले समस्यामा परेका विद्यार्थीहरूलाई आफ्नो विवरण पेश गर्न आग्रह गरेको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
खाद्य स्वच्छता मापदण्ड उल्लंघन गरे वीरगंजका तीनवटा मिठाई पसललाई २०/२० हजार जरिवाना
वीरगञ्ज । खाद्य स्वच्छता सम्बन्धी मापदण्ड उल्लङ्घन गरेका तीनवटा पसललाई २०/२० हजार रुपैया जरिवाना गरिएको छ । वीरगञ्ज महानगरपालिका–६ माईस्थानस्थित सञ्जय खोवा भण्डार, गणेश मिष्ठान भण्डार तथा वीरगञ्ज महानगरपालिका–११ रानीघाटस्थित सम्भु लड्डु तथा मिष्ठान भण्डार लाई जरिवाना गरिएको हो ।
सेस्मी इन्टरनेशनल स्कुलको एसईई परिक्षामा सहभागि सबै बिद्यार्थी सफल
वीरगञ्ज। सेस्मी इन्टरनेशनल स्कुलले यस वर्षको माध्यमिक शिक्षा परीक्षा (एसईई) मा शतप्रतिशत नतिजा हासिल गर्दै उत्कृष्ट शैक्षिक उपलब्धि प्राप्त गरेको छ।
खेलकुद
नारायणी रंगशालाको स्तरउन्नतीकालागि १५ करोड बिनियोजन
वीरगंज । नेपालकै महत्वपूर्ण रंगशलाको रुपमा रहेको वीरगंजको नारायणी रंगशालाको र त्याहा रहेको बहुउद्धेश्यीय कर्भडहलको स्तरउन्नतीकोलागि १२ करोड ५० लाख रुपैयाँ बजेट विनियोजन भएको छ ।
मधेस प्रदेश स्तरीय राष्ट्रपति रनिङ शिल्ड छनोट प्रतियोगिता शुरु ,पूर्वमन्त्री जयसवालले गरे उद्धघाटन
सिमरा । मधेस प्रदेश स्तरीय राष्ट्रपति रनिङ शिल्ड छनोट प्रतियोगिता मंगलबारदेखि सिमरामा सुरु भएको छ । राष्ट्रिय स्तरको राष्ट्रपति रनिङ शिल्ड प्रतियोगितामा सहभागी हुने खेलाडी छनोट गर्ने उद्देश्यले प्रतियोगिता आयोजना गरिएको हो ।
तपाईको प्रतिक्रिया