समृद्ध नेपाल निर्माण अबको आवश्यकता: मन्त्री थापा
पोखरा, २६ वैशाख । स्वास्थ्यमन्त्री एवम् नेपाली काँग्रेसका केन्द्रीय सदस्य गगन थापाले समृद्ध नेपालको निर्माण अबको आवश्यकता भएको बताउनुभएको छ । नेपाली काँग्रेसद्वारा पोखरा लेखनाथ महानगरपालिका–२४ मा आज आयोजित चुनावी सभामा उहाँले भन्नुभयो - “काँग्रेसले शान्ति र संविधानको प्रतिबद्धता पूरा गरेका कारण समृद्ध नेपाल निमार्ण गर्ने अभियानलाई साकार पार्न स्थानीय तहको निर्वाचनमा काँग्रेसको विजय आवश्यक हुन्छ ।”
केन्द्रीय सदस्य थापाले “सबै अट्ने देश, सबैलाई मिलाएर लैजाने काँग्रेस’ भन्ने नाराका साथ हिमाल, पहाड र तराईलाई एकाकार गर्दै लैजान सक्ने क्षमता केवल काँग्रेसमा छ” भन्दै “यो देश यहाँका सबै वर्ग र समुदायको हो, यो धोती लगाउनेको पनि हो, टोपी लगाउनेको पनि हो, यी सबैलाई मिलाउने क्षमता काँग्रेसमा भएको बताउनुभयो ।”
स्थानीय आवश्यकता परिपूर्ति गर्दै समृद्ध पोखराको निर्माणको लक्ष्यलाई साकार पार्न काँग्रेसका उम्मेदवारलाई विजयी गराउन सबैमा उहाँले आग्रह पनि गर्नुभयो ।
काँग्रेसका पूर्वमहामन्त्री एवम् पूर्वसभामुख तारानाथ रानाभाटले जनतालाई सार्वभौम बनाउनका लागि काँग्रेसले अनवरत सङ्घर्ष गर्दै आएको उल्लेख गर्दै राष्ट्रिय एकता, समुन्नत नेपाल निर्माणका लागि काँग्रेसका उम्मेदवारलाई विजय गराउन आग्रह गर्नुभयो ।
काँग्रेसका केन्द्रीय सदस्य बद्री पाण्डेले नेपाली काँग्रेस काममा विश्वास गर्ने पार्टी भएको बताउँदै विभिन्न दलका नाममा मतदातालाई प्रभावित पार्न खोजिने हुँदा त्यसतर्फ सचेत बन्नुपर्ने आवश्यकता औँल्याउनुभयो ।
काँग्रेसबाट पोखरा लेखनाथ महानगरपालिकाका प्रमुख पदका उम्मेदवार रामजी कुँवरले स्मार्ट सिटी निर्माणको लक्ष्यका साथ आफू उम्मेदवार भएको उल्लेख गर्दै महानगरका प्रत्येक बस्ती र टोलका आवश्यकतालाई सम्बोधन गर्ने प्रतिबद्धता व्यक्त गर्नुभयो ।
उपप्रमुख पदका उम्मेदवार सरस्वती गुरुङले सबै क्षेत्र, वर्ग र समुदायलाई समेट्ने गरी विकास निर्माणका योजना अघि बढाउने विश्वास व्यक्त गर्नुभयो ।
नेपाली काँग्रेस कास्कीका सभापति कृष्ण केसी, वडाध्यक्षका उम्मेदवार भरतबहादुर अधिकारी, काँग्रेस नेता वेदहरि तिमल्सिनालगायतले समुन्नत पोखरा निर्माणको योजनालाई साकार पार्न काँग्रेसका उम्मेदवारलाई मतदान गर्न आग्रह गर्नुभयो ।
कार्यक्रममा विभिन्न पार्टी परित्याग गरी आएका १२५ जना नेपाली काँग्रेसमा प्रवेश गरेका थिए । उनीहरूलाई काँग्रेसका पूर्वमहामन्त्री तारानाथ रानाभाटले पार्टीको सदस्यता प्रदान गरी पार्टीमा स्वागत गर्नुभएको थियो ।
सम्बन्धित शीर्षकहरु
सीमापारी/अन्तराष्ट्रिय
प्रवासी नेपाली मंच स्लोभाकियाको अध्यक्षमा रुद्र किसन चयन
बेल्जियम । प्रवासी नेपाली मन्च स्लोभाकियाले रुद्र किसनलाई मन्चको अध्यक्ष चुनेको छ । मन्चको प्रथम अनलाइन भेलाले किसनको अध्यक्षतामा नयाँ कार्यसमिति चुनेको हो। भेलाले ३१ सदस्यीय कार्यसमिति सर्वसम्मत चयन गरेको हो।
गैरआवासीय नेपाली संघ, राष्ट्रिय समन्वय परिषद बेल्जियमको अध्यक्ष नेपाल सर्वसम्मत
बेल्जियम । गैरआवासीय नेपाली संघ, राष्ट्रिय समन्वय परिषद बेल्जियमको १० औं राष्ट्रीय महाधिबेशनले लोकेन्द्र नेपाललाई अध्यक्षमा सर्वसम्मत चयन गरेको छ ।
भिजिट भिसा प्रकरण ,पत्रकार महासंघ युकेको स्पाष्टोक्ति, गरिमा ख्याल राख्न अपिल
वीरगंज। नेपाल पत्रकार महासंघ यूकेले अधिवेशनको सन्दर्भमा ‘दर्जनभन्दा बढी व्यक्तिले भिजिट भिसा लिएको आशंका’ भन्दै आएका समाचारप्रति गम्भीर आपत्ति जनाएको छ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
हतारको पत्रकारिताले विश्वसनीयतामाथि प्रश्न उठाएको छः अध्यक्ष शर्मा
वीरगन्ज ।नेपाल पत्रकार महासंघकी अध्यक्ष निर्मला शर्माले पत्रकारहरूलाई हतारको पत्रकारिताभन्दा सत्य र तथ्यमा आधारित पत्रकारिता गर्न अपिल गरेकी छिन ।
रुबी साह हत्या प्रकरणका मुख्य आरोपी पासवानको उपचारका क्रममा मृत्यु
वीरगन्ज । रौतहटको रुबी साह हत्या प्रकरणका मुख्य आरोपी लक्ष्मण पासवानको उपचारका क्रममा मृत्यु भएको छ। बुधबार उनले अगो लगाएर आत्महत्याको प्रयास गरेका थिए।
खेलकुद
क्रिकेटर सन्दीप लामिछानेको सम्मानमा उनको जन्मगाउँमा क्रिकेट रङ्गशाला बनाउन शुरू
स्याङ्गजा । नेपाली राष्ट्रिय क्रिकेट टिमका पूर्व कप्तान क्रिकेटर सन्दीप लामिछानेको सम्मानमा स्याङ्जामा क्रिकेट रङ्गशाला बनाउन शुरू गरिएको छ ।
राष्ट्रपति रनिङ शिल्डमा वीरगंजको लगातार तेस्रो जीत
वीरगंज । वीरगंज महानगरपालिकाले लगातार तेस्रो वर्ष राष्ट्रपति रनिङ शिल्ड प्रतियोगितामा प्रथम स्थान हासिल गर्दै शिल्ड आफ्नो स्थायी स्वामित्वमा ल्याएको छ ।
तपाईको प्रतिक्रिया