एमाले वीरगञ्ज महानगर कमिटीको दोस्रो बैठक सम्पन्न, संगठन सुदृढीकरणमा व्यापक जोड
वीरगञ्ज, । नेकपा (एमाले) वीरगञ्ज महानगर कमिटीको दोस्रो पूर्ण बैठक शनिबार वीरगञ्जस्थित रोयल पार्टी प्यालेसमा सम्पन्न भएको छ।
बैठकले पार्टी संगठनलाई सुदृढ गर्दै आगामी स्थानीय र राष्ट्रिय राजनीतिक परिदृश्यमा प्रभावकारी उपस्थिति सुनिश्चित गर्न दीर्घकालीन योजना तथा कार्यदिशा तय गरेको छ।
कमिटी अध्यक्ष नवराज शर्माको अध्यक्षतामा सम्पन्न बैठकले नगरभित्र रहेका ३२ वटै वडामा कमिटी विस्तार र पुनर्गठनका लागि विशेष अभियान सञ्चालन गर्ने निर्णय गरेको छ।
त्यसका लागि वडा–वडा पुगेर संगठनात्मक गृहकार्य अगाडि बढाइने र साउन–भदौभित्र सबै वडाको वडा अधिवेशन सम्पन्न गरिने रणनीति तय गरिएको छ।
पार्टीको सांगठनिक कामलाई चुस्त बनाउन नगर क्षेत्रलाई ८ वटा इलाकामा विभाजन गरी इलाका संयोजकहरू नियुक्त गरिने निर्णय गरिएको छ। साथै, युवा, महिला, मजदुर, पेशागत, आदिवासीरजनजाति, मुस्लिम लगायत जनवर्गीय संगठनहरूको नगर कमिटी गठन र पुनर्गठन गरिने भएको छ।
बैठकले संगठनको आर्थिक सुदृढीकरणका लागि महिनावारी लेभी प्रणाली लागू गर्ने निर्णय लिएको छ। महानगर कमिटी अध्यक्ष शर्मा सहित पदाधिकारी तथा सदस्यहरूले स्वेच्छिक योगदान गर्दै आर्थिक पारदर्शितामा दृढ संकल्प व्यक्त गरेका छन्।
बैठकमा पार्टीका महानगर इन्चार्ज बिचारी यादवले संगठन विस्तार नै प्राथमिकता भएको बताए । उनले पार्टीलाई जनताको दुःख सुखमा जोड्न सक्ने गरि कमिटीलाई क्रियाशिल बनाउन अपिल गरे ।
पूर्व मेयर तथा पार्टीका केन्द्रीय सल्लाहकार समिति सदस्य विजय सरावगीले पार्टीलाई जनताको वीचमा स्थापित गर्नकालागि जनसरोकारका बिषयमा एमालेले अगुवाई गर्नु पर्ने बताए ।
प्रदेशसभा सदस्य बिना शर्मा, पूर्व नगर अध्यक्ष राजेन्द्र यादव, नेतृ रञ्जु फुयाल लगायत नेताहरूले संगठन सुदृढीकरणमा जोड दिएका थिए।
पार्टीका युवा नेता जलन्धर पटेल र राकेश साहले कार्यसम्पादनमा नवप्रवर्तन, युवापुस्ताको सहभागिता र संगठनको डिजिटल सशक्तीकरणका विषयमा सुझावसहित धारणा राखेका थिए।
३२ वटै वडाका कार्यसमिति सदस्यहरूको उल्लेखनीय उपस्थिति रहेको बैठकको सहजीकरण नगर सचिव लियाकत अलीले गरेका थिए।
सम्बन्धित शीर्षकहरु
सीमापारी/अन्तराष्ट्रिय
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
समस्यामा परेका विद्यार्थीहरूलाई आफ्नो विवरण पेश गर्न नेपाली दूतावास युएईको आग्रह
काठमाडौं । यूएईमा रहेको नेपाली दूतावासले समस्यामा परेका विद्यार्थीहरूलाई आफ्नो विवरण पेश गर्न आग्रह गरेको छ ।
हैदराबाद–बेंगलुरु जाँदै गरेको बसमा आगलागी, कम्तीमा २१ जनाको मृत्यु
वीरगंज । हैदराबादबाट बेंगलुरु जाँदै गरेको एक एयर–कन्डिसन्ड स्लीपर बसमा शुक्रबार बिहान आगलागी हुँदा २१ जनाको जलेर मृत्यु भएको र केही अन्य यात्रु घाइते भएका छन्। दुर्घटना कुर्नुल जिल्लाको चिन्नेतेकुरु गाउँ नजिकै राष्ट्रिय राजमार्ग ४४ मा बिहान करिब २ः ४५ बजे भएको हो।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
निर्वाचनमा ४ दिन मात्रै बाँकी, मतदान दिन कसरी मिलाइएको छ पासको व्यवस्था
वीरगंज । प्रेस पास भएका सञ्चारकर्मीका सवारीसाधन सहज रूपमा सञ्चालन हुने निर्वाचन आयोगले जारी गरेको सूचनामा उल्लेख छ ।
गोलबजारमा करेन्ट लागेर टिपरधनीको मृत्यु, सवारीमा आगलागी
सिरहा । गोलबजार नगरपालिका क्षेत्रमा टिपरको हाइड्रोलिक उठाउने क्रममा विद्युत् प्रसारण लाइनमा छोएपछि करेन्ट लागेर एक जनाको मृत्यु भएको छ। घटनापछि सवारीमा आगलागीसमेत भएको प्रहरीले जनाएको छ।
खेलकुद
एनपीएल सिजन–२ ,काठमाडौँ गोर्खाजको विजयी सुरुआत
काठमाडौं । दोस्रो संस्करणको नेपाल प्रिमियर लिग (एनपीएल) क्रिकेट मा काठमाडौँ गोर्खाजले विजयी सुरुआत गरेको छ। जनकपुर बोल्ट्सले दिएको १३१ रनको लक्ष्य काठमाडौँले १८ ओभरमै ५ विकेट गुमाउँदै पूरा गर्यो।
ठोरी गोल्डकप–२०८२ ट्राइबेकरमा आयोजक प्रतिभा युवा क्लबको विजयी ,‘चौधरी म्यान अफ द म्याच’ र ‘बेस्ट किपर’ घोषित
ठोरी । स्व. रामबहादुर श्रेष्ठको स्मृतिमा आयोजित चौथो ठोरी गोल्डकप–२०८२ को उपाधि आयोजक प्रतिभा युवा क्लब, बिजयबस्तीले हात पारेको छ।
तपाईको प्रतिक्रिया