श्रमजीवी पत्रकार र आमसंचार माध्यमलाई पनि राहतको ब्यवस्था गर्न अध्यक्ष अर्यालको आग्रह

4/1/2020 गते 00 00 मा प्रकाशित 952 पटक पढिएको

बीरगंज १९ चैत ।
न्युनतम पारिश्रमिक निर्धारण समितिका अध्यक्ष राजेन्द्र अर्यालले सरकारले घोषणा गरेको राहत प्याकेजमा श्रमजीवी पत्रकार र आमसंचार माध्यमलाई नसमेटिएको चिन्ता ब्यक्त गनुृ भएको छ ।

उहाँले अहिलेको खराव र जोखिमपूर्ण अवस्थामा आफ्नो ज्याननै जोखिममा राखेर आम नागरिकलाई सुसूचित गर्ने,यो जोखिम बाट निकास दिलाउनका लागि कार्यस्थलमा अहोरात्र खटिरहेका पत्रकारहरुकालागि पनि राहतको ब्यवस्था गर्न माँग गर्नु भएको छ ।

फ्रन्टलाईनमा रहेर काम गर्नु पर्ने श्रमजीवी पत्रकारहरुको स्वास्थ सुरक्षाकालागि पनि सरकारले आवश्यक ध्यान दिन रहेको अध्यक्ष अर्यालले बताउनु भएको छ । उहाँले आम संचार प्रतिष्ठानलाई समेत कार्यस्थलमा खटिएका श्रमजीवी पत्रकारहरुको स्वास्थ्य सुरक्षा लगाएतका विषयमा गम्भीर बन्न र आबश्यक प्रबन्ध मिलाउन आग्रह गर्नु भएको छ ।

उहाँले कतिपय श्रमजीवी पत्रकारहरुले समयमै पारिश्रमिक नपाउदा आर्थिक समस्या झेल्नुपरेको गुनासो आएकोले सम्बन्धित आमसन्चार प्रतिष्ठानका ब्यबस्थापनलाई यो घडीमा मानवीय हिसाबले समेत यो समस्याको समाधान गर्न अर्यालले आग्रह गर्नु भएको छ ।

उहाँले आमसन्चार माध्यम र श्रमजीवी पत्रकार हरुका लागि विशेष आर्थिक राहत प्याकेजको घोषणा गर्न सरकारसङ्ग आग्रह गर्दै सरकारले आमसन्चार उधोगलाई सरकारको प्राथमिकतामा राखी सेवा उद्योगका रुपमा मान्यता दिई नविकरण र कर छुट को ब्यबस्था मिलाउन जरुरी रहेको बताउनु भएको छ ।

अहिले खासगरी मोफसल र श्रमजीवीहरुले संचालन गरेका स्वरोजगार मुलक र साना लगानी का मिडिया थप आर्थिक संकटमा छन ।

उनिहरुका लागी पनि राज्यका तर्फबाट ठोसआर्थिक राहतको घोषणा आवश्यक भएको अर्यालले बताउनुभये । संकटको यो घडीमा आमसन्चार र श्रमजीवी पत्रकार थप जिम्मेवार र संबेदनशिल बन्दै सत्य ,तथ्य ,सकारात्मक र आशा जगाउने समाचार सप्रेषित गर्न समेत अध्यक्ष अर्यालले आग्रह गर्नु भएको छ ।