बीरगंज, १९ चैत । सदभावना पार्टी बीरगंज नगर कार्य समितिले आज नगरका अगुवा कार्यकर्ता संग देशर मधेशको बर्तमान परिस्थितिको सन्दर्भमा अन्तरक्रिया कार्यक्रम सम्पन्न गरेको छ। कार्यक्रममा सदभावना पार्टीका सह अध्यक्ष एवं सभासद लक्षमणलाल  कर्णले  संविधान संशोधन नगरि मधेसको माग संस्थागत नगर्दा कुनै पनि चुनावको चु पनि सुन्न नचाहेको बताए ।

बीरगंज १९ चैत । नेकपा एमाले पर्सा क्षेत्र नं. २ का सांसद बिचारी यादबले स्थानीय तहको निर्वाचन पश्चात नेपालमा विकासले गती लिने बताएका छन  । पर्साको बेल्वा गाउपालिकाको रामबनमा रहेको प्रावि स्कुलमा भवन निर्माण गर्न १० लाख विनियोजित रकमको जानकारी गराउदै सांसद यादबले सो कुरा बताएका हुन  ।

सीमरा १९ चैत । नेकपा एमालेका सांसद तथा पुर्व खेलकुदमन्त्री पुरुषोत्तम पौडेलले देशमा ताजा जनादेशका लागी निर्वाचन आवश्यक रहेको बताएका छन  । आसन्न स्थानीय निर्वाचनको तयारीमा एमालेले घनिभुत तयारी गरिरहेको बताउँदै साँसद पौडेलले अब देशको १ नम्बरको पार्टीका रुपमा एमाले स्थापित हुनेमा कुनै शंका नरहेको गरे ।

म्यादी प्रहरीमा भर्ना हुनकालागि जिल्ला प्रहरी कार्यालय पर्सामा प्रोयोगात्मक परिक्षा दिदै यूवाहरु, एक लाख ७२ हजारभन्दा बढी आवेदन परेको, स्थानीय निर्वाचनमा खटिने म्यादी प्रहरीको कार्यअवधि ५५ दिनको रहेको छ । म्यादी प्रहरीले नेपाल प्रहरीको जवानले खाईपाई आएको तलब तथा भत्ता बराबरको रकम पाउने छ ।

बीरगंज १८ चैत । शिक्षक सेवा आयोगले अस्थायी शिक्षकहरुका लागि आयोग खुलाएको छ । ६७ जिल्लाका १६ हजार ३ सय २६ पदका लागि आयोग खोलेको शिक्षक सेवा आयोग प्रशासकिय प्रमुख लक्ष्मीराम पौडेलले जानकारी दिनुभयो । परीक्षा मिति भने पछि तोकिने आयोगले जनाएको छ ।

काठमाडौं१८ चैत । नेकपा एमालेले स्थानीय तहको चुनावमा कांँग्रेसलाई रोक्न आफ्नो राजनीतिक गतिविधिलाई निषेध गरेका मधेश केन्द्रीत दलसंग तालमेलको हुन सक्ने नीति अख्तियार गरेको छ । तर पार्टीले अन्य दलसँग तालमेल गर्नुपूर्व पार्टी केन्द्रको अनुमति अनिवार्य लिनुपर्ने सर्कुलर जारी गरेको छ ।

बीरगंज १८ चैत। आसन्न स्थानीय निर्वाचन सुरक्षाका लागि म्यादी प्रहरीका लागि भएको आवेदनमा मागभन्दा दोब्बर बढी आवेदन परेको छ।   मधेशकेन्द्रीत दलको प्रभाव क्षेत्रको रुपमा रहेको २ नम्बर प्रदेशमा सबै भन्दा बढी आवेदन परेको छ ।  प्रदेश २ मा ३५ हजारले म्यादी प्रहरी बन्न आवेदन दिएका छन्। प्रदेश २ निर्वाचनको रणनीतिक विवादमा रहेको प्रदेश पनि हो । मधेश केन्द्रीत दलले कुनै हालतमा चुनाव हुन नदिने बताउदै आएका छन । जसको प्रभाव बढी पर्ने प्रदेश भनेको २ नम्बर प्रदेश हो ।

काठमाण्डौ,१८ चैत ।झण्डै ११ वर्षअघि निराहार बसेर ज्ञान प्राप्त गरिएको प्रचार गरिएका राम बहादुर बम्जन अहिले २५ वर्षको लक्का जवान भएका छन । उनी त्यतीबैलै संसारकै लागि आकर्षणका केन्द्र बनेका थिए ।   अहिले बम्जनले आफूलाई परमात्मा घोषणा गरेका छन् । उनले आफूलाई मैत्री धर्मको अनुयायी बताउदै मैत्री धर्मको प्रचार गरिरहेका छन् । उनका अनुयायीहरुले ललितपुरको चुनिखेलमा विश्व मैत्री शान्तिपूजाको आयोजना गर्दैछन् र  पूजाको लाखौं खर्च गरेर व्यापक प्रचारप्रसार भइरहेको छ ।

बीरगंज १७ चैत ।बहुदरामाई गाउपालिकाको साविक बिश्रापुर गाविसका स्थानीयबासीले पर्साका प्रहरी प्रमुखलाई भेटेर सोही ठाउका अनोद साह कलवारको हत्या घटनालाई निष्पक्ष रुपमा अनुसन्धान गर्न माग गरेका छन । चैत १५ गते अनुहार चिन्न नसक्ने गरि गहुँबारीमा फालिएको अवस्थामा साहको लास फेला परेको थियो । 

वीरगंज १७ चैत । स्व. पत्रकार काशीनाथ यादवको आज उहांकै जन्मथलो बारा जिल्लाको बेलदारीमा अन्तिम संस्कार गरिएको छ । । यसअघि बिहान वहांको पार्थिक शरिरमा नेपाल  प्रेस युनियनले उहांको पार्थिक शरिरमा युनियनको झण्डा ओढाएर सम्मान जाहेर गरेको थियो । 

वीरगंज १७ चैत । वीरगंज स्थित नेशनल मेडिकल कलेज शिक्षण अस्पतालका बरिष्ठ चिकित्सक डा. जगत प्रसाद दिपले अस्पतालमै एक बिरामीको ज्गनभ यखबचष्बल तगmयच को सफल अप्रेशन गरेका छन । बारा जिल्ला फेटा फुलवरिया . ८ घर भएकी १४ वर्षिय कविता साहको पेटमा करिब पाँच महिना देखि टयुमर पलाएको थियो । पाँच महिना देखी उपचारकालागि बिभिन्न अस्पताल चाहारे पनि अहिले मात्र सफल उपचार भएको भन्दै कविताका परिवारजनाले खुशी ब्यक्त गरे ।कविताका परिवारजनले छोरी रोगी हुनुको पीडा मात्र खेपेको थिएन समाज भित्रका केही मान्छेले दिएको मानसिक पीडामा पनि सहेको थियो ।

गौर १७ चैत ।राजेन्द्र महतोले नेतृत्व गरेको सदभावना पार्टीका केन्द्रीय सदस्य एवं युवा बिभागका प्रमुख योगेन्द्र राय यादवले पार्टी परित्यागको घोषणा गरेका छन । उनले पार्टी अध्यक्ष सीमित जातीय घेरमा रमाउदै पार्टीलाई परिवारवादमा सिमति राखी अलोकतान्त्रिक रबैयामा चन्ल खाजेकोले असन्तोष जनाउदै उनले पार्टीबाट राजीनामा दिएका हुन ।रौतहटको राजनीतिकमा सदभावना पार्टीको चर्चित नेताको रुपमा स्थापित यादवले पार्टीबाट राजीनामा दिएपछि रौतहटमा सदभावना कमजोर भएको बताइन्छ  ।  उनले पार्टी पूर्ण

वीरगञ्ज, १६ चैत ः प्रेस यूनियन पर्साका पूर्व सभापति एवं व्रह्मास्त्र दैनिकका प्रधानसम्पादक काशीनाथ यादवको ५७ वर्षको उमेरमा बुधबार निधन भएको छ । चैत १० गतेदेखि मस्तिष्कघात र स्वासप्रश्वासमा समस्या देखेपछि यादवलाई वीरगञ्जको अस्पतालमा भर्ना गराइएको थियो । 

वीरगन्ज १५ चैत  । पर्सा र बारा जिल्लाको सिमानामा पर्ने बारा जिल्लाको साविक गाविस प्रसौनी वार्ड न ८ सिंगाह खोलामा हत्या गरी फ्यालीएको अवस्थामा फेला परेको महिलाको पहिचान खुलेको छ । पर्सा जिल्लाको बीरगंज उपमहानगरपालिका वडा नं १९ साविक २१ को रामगढवा हेल्थपोष्टमा अहेवको रुपमा कार्यरत ३८ वर्षिया बविता पंडित रहेको बारा जिल्ला प्रहरी कार्यालयले जनाएको छ । चैत १३ गते उनको शव बेवारिसे अवस्थामा फेला परेको थियो ।

काठमाण्डौ, १५ चैत । एमाले नेता तथा कार्यकर्ताहरुले एनसेलको सिम बहिष्कार गर्ने निर्णय गरेपछि आत्तिएको एनसेलले  एक एमाले नेतामार्फत नेतृत्व तहमै चुनाव खर्च दिने र बहिष्कार नगर्न आग्रह गरेको छ । स्रोतका अनुसार एमालेका कार्यकर्ता, नेता, विद्यार्थी र भातृसंगठनहरुले मात्रै १० लाख एनसेलका सिम लिएको खबर छ । त्यो सिम बहिष्कार गरे भने एनसेललाई ठूलै धक्का लाग्ने भएकाले एनसेलका विदेशी कार्यकारीले चुनाव खर्च दिने पेसकस गरेका हुन् भनिदैछ ।

काठमाडौं, १५ चैत्र  । नेपालमा रहेको प्रतिबन्धित भारु पाँच सय र हजार दरका नोट सटही बारे भारतले कसिलो जवाफ दिएपछि यतिबेला ठूलो परिणाममा नोट संगालेर बसेका तस्करहरु तनावमा छन् । पछिल्लो समय भारु सटही बारे, नेपाल र भारतीय अधिकारी बिच छलफल चलेतापनि सीमा बढाउन नेपालले गरेको आग्रह भारतले अस्वीकार गरेको छ ।

मकवानपुरको मनहरी गाउँपालिकाको नयाँ बस्तिमा गाँजा तस्कर र प्रहरीबिच गोली हानहान भएको छ । भारत निकासी गर्न लागिएको गाँजासहित तस्करहरुलाई पक्राउ गर्ने क्रममा गाँजा तस्करले गोली चलाएपछि जवाफी फायरिङ गरिएको जिल्ला प्रहरी कार्यालय मकवानपुरका डिएसपी बामदेव गौतमले बताए । त्यसक्रममा तीनजना तस्कर पक्राउ परेका छन् ।

बढनिहार १५ चैत । पर्सागढी गाउँपालिका साविक बागवाना गाविसको वडा नं ६ गुलरियाबाट बनगस्ती टोलीले आज बिहान ४८ क्यूफिट सालको काठ नियन्त्रणमा लिएको छ । 

बैशाख ३१ मा हुने निर्वाचनकालागि आयोगले सार्वजनीक गरेको कार्यतालिका भने यस्तो छ ।

काठमाडौं, १४ चैत । नयाँ शक्ति पार्टीले पार्टीको हित बिपरित काम गरेको भन्दै आफना चार जना नेतालाई पार्टीबाट निष्काशन गरेको छ । पार्टी भित्र राम्रो हैसियतमा रहेका नेताहरुलाई पार्टीले निष्काशन गरेको हो ।  पार्टी हित र मूल्य मान्यता विपरित गतिविधि गरेको भन्दै नयाँ शक्तिले सोमबार केन्द्रीय परिषद सदस्यहरु निर्मल भट्टराई, चन्द्रदेव ओझा, हरिराम रिमाल र मोहन बमलाई पार्टी सदस्य समेत नरहने गरी निष्कासन गरेको हो ।