काठमाडौ २१ चैत। नेकपा एमालले आफना तल्ला कमिटीहरुलाई उम्मेदवारको नाम सिफारिश गरेर पठाउन निर्देशन दिएको छ । त्यसको लागि नेकपा एमालले चैत ३० गते सम्मको सीमा तोकेको छ । ३० गते सम्म गाउँपालिका नगरपालिका, उपमहानगरपालिका र महानगरपालिका कमिटीहरुले २०७४ वैशाख ४ गतेसम्म, जिल्ला कमिटीहरुले ०७४ वैशाख ७ गतेसम्म र प्रदेश कमिटीहरुले ०७४ वैशाख १० गतेसम्म उम्मेदवारको सिफारिस तथा निर्णय गरिसक्नुपर्नेछ ।

भरतपुर २१ चैत्र । नारायाणघाट–मुग्लिन सडक खण्डमा पर्ने घुमाउने भन्ने स्थानमा सडक माथिबाट माटोको ढिस्को अचानक खस्दा गाडीहरु पुरिएका छन् । ढिस्को झर्दा  एकजनाको मृत्यु भएको छ भने एउटा जीप, ट्यांकर, ट्रक र दुईवटा बाइक पुरेको मुग्लिन प्रहरीले जनाएको छ । बिहान १० बजेतिर सडक माथिबाट ठूलो ढिस्को झरेको थियो । प्रहरीका अनुसार अहिले मुग्लिन तर्फबाट गएको एस्काभेटरले पुरिएका गाडीहरुलाई निकाल्ने प्रयास गरिरहेको छ ।

जीतपुर २१ चैत जीतपुर सिमरा उप महानगरपालिका वडा न २३ मा नेकपा एमालेको वडा भेला सम्पन्न भएको छ। रामक्षेत्री पटेल को अध्यक्षता मा भएको भेला लाई संबोधन गर्दै सभासद नेजमा आलमले जनता को दुःख सुख मा एमालेले साथ दिएको हुनाले यसपली को चुनाव मा जनताले एमाले लाई नै साथ दिने विश्वास ब्यक्त गरिन।

सुषमा शर्मा वीरगंज, २० चैत । सरकारले गरीब, विपन्नवर्गका लागि ल्याएको प्रेषण कार्यक्रमबारे पर्सा जिल्लामा  सरोकारवाला सबै अनभिज्ञ रहेकाले विगत नौ वर्षदेखि यो कार्यक्रमका लागि आउने बजेट त्यत्तिकै छ ।

बारा २० चैत्र ।    बैशाख ३१ मा हुने स्थानीय तहको निर्वाचन परिचालन गर्नकालागि नेकपा एमाले बाराले अध्यक्ष सुन्दर बिश्वकर्माको १५ सय १ सदस्यीय निर्वाचन परिचालन कमिटी गठन गरेको छ । बारामा आज सम्पन्न जिल्ला कमिटीको बैठकले निर्वाचन परिचालन कमिटी गठन गरेको हो । 

    अंगिकृत नागरिकता लिएर नेपालमा बसोबास गर्ने कसैलाई देशको संवेदनशिल पदमा लान  नमिल्ने नेपाली कांग्रेसका केन्द्रीय सदस्य शेखर कोइरालाले बताएका छन् । निर्वाचन नजिकिदै गर्दा पार्टीलाई पर्सामा पनि अलि चलाएमान बनाउन वीरगन्ज झरेका नेता कोइरालाले नेपाल प्रेस युनियनका पूर्व सभापति काशीनाथ यादवको श्रद्धाञ्जली सभालाई सम्बोधन गर्दै यस्तो बताएका हुन् । ‘मुलुकको संबेदनशिल चार पदमा अंगिकृत नागरिकता लिएर नेपालमा बसोबास गर्ने कसैलाई लान मिल्दैन’ उनले भने ।

वीरगन्ज,१९ चैत । तराई मधेश लोकतान्त्रिक पार्टीका प्रवक्ता बिमल श्रीवास्तवले  मधेसवादी दलकै गलत क्रियाकलापका कारण मधेसीले अधिकार पाउन ढिलाई भएको धारणा व्यक्त गरे । उनले  मधेसीको  मुक्तीको नाममा खोलिएको पार्टीलाई केही मधेसवादी दलका नेताले आफनो स्वार्थ पुर्तीकालागि राष्ट्रिय बनाउने सपान देखेको टिप्पण गर्दै श्रीवास्तवले त्यस्ता  दलहरुलार्इ आउने निर्वाचनमा मधेसी जनताले आफनो मताधिकारबाट  तह लगाउनु पर्ने सुझाए । 

वीरगंज  १९चैत्र स्वच्छ, सफा र हराभरा  वीरगंज अभियान अन्र्तगत  लायन्स क्लब अफ वीरगंज ग्रीन क्याम्पसले आज वीरगंज भंसार क्षेत्रमा रहेको केडिया डेन्टल कलेजको प्राङ्गणमा वृक्षारोपण कार्यक्रम सम्पन्न गरेको छ ।  लायन्स क्लब अफ वीरगंज ग्रीन क्याम्पसका लायन विजय कुशवाहाको अध्यक्षतामा भएको वृक्षारोपण कार्यक्रममा विभिन्न प्रजातिका एक सय विरुवा रोपिएका छन् ।

बीरगंज, १९ चैत । सदभावना पार्टी बीरगंज नगर कार्य समितिले आज नगरका अगुवा कार्यकर्ता संग देशर मधेशको बर्तमान परिस्थितिको सन्दर्भमा अन्तरक्रिया कार्यक्रम सम्पन्न गरेको छ। कार्यक्रममा सदभावना पार्टीका सह अध्यक्ष एवं सभासद लक्षमणलाल  कर्णले  संविधान संशोधन नगरि मधेसको माग संस्थागत नगर्दा कुनै पनि चुनावको चु पनि सुन्न नचाहेको बताए ।

बीरगंज १९ चैत । नेकपा एमाले पर्सा क्षेत्र नं. २ का सांसद बिचारी यादबले स्थानीय तहको निर्वाचन पश्चात नेपालमा विकासले गती लिने बताएका छन  । पर्साको बेल्वा गाउपालिकाको रामबनमा रहेको प्रावि स्कुलमा भवन निर्माण गर्न १० लाख विनियोजित रकमको जानकारी गराउदै सांसद यादबले सो कुरा बताएका हुन  ।

सीमरा १९ चैत । नेकपा एमालेका सांसद तथा पुर्व खेलकुदमन्त्री पुरुषोत्तम पौडेलले देशमा ताजा जनादेशका लागी निर्वाचन आवश्यक रहेको बताएका छन  । आसन्न स्थानीय निर्वाचनको तयारीमा एमालेले घनिभुत तयारी गरिरहेको बताउँदै साँसद पौडेलले अब देशको १ नम्बरको पार्टीका रुपमा एमाले स्थापित हुनेमा कुनै शंका नरहेको गरे ।

म्यादी प्रहरीमा भर्ना हुनकालागि जिल्ला प्रहरी कार्यालय पर्सामा प्रोयोगात्मक परिक्षा दिदै यूवाहरु, एक लाख ७२ हजारभन्दा बढी आवेदन परेको, स्थानीय निर्वाचनमा खटिने म्यादी प्रहरीको कार्यअवधि ५५ दिनको रहेको छ । म्यादी प्रहरीले नेपाल प्रहरीको जवानले खाईपाई आएको तलब तथा भत्ता बराबरको रकम पाउने छ ।

बीरगंज १८ चैत । शिक्षक सेवा आयोगले अस्थायी शिक्षकहरुका लागि आयोग खुलाएको छ । ६७ जिल्लाका १६ हजार ३ सय २६ पदका लागि आयोग खोलेको शिक्षक सेवा आयोग प्रशासकिय प्रमुख लक्ष्मीराम पौडेलले जानकारी दिनुभयो । परीक्षा मिति भने पछि तोकिने आयोगले जनाएको छ ।

काठमाडौं१८ चैत । नेकपा एमालेले स्थानीय तहको चुनावमा कांँग्रेसलाई रोक्न आफ्नो राजनीतिक गतिविधिलाई निषेध गरेका मधेश केन्द्रीत दलसंग तालमेलको हुन सक्ने नीति अख्तियार गरेको छ । तर पार्टीले अन्य दलसँग तालमेल गर्नुपूर्व पार्टी केन्द्रको अनुमति अनिवार्य लिनुपर्ने सर्कुलर जारी गरेको छ ।

बीरगंज १८ चैत। आसन्न स्थानीय निर्वाचन सुरक्षाका लागि म्यादी प्रहरीका लागि भएको आवेदनमा मागभन्दा दोब्बर बढी आवेदन परेको छ।   मधेशकेन्द्रीत दलको प्रभाव क्षेत्रको रुपमा रहेको २ नम्बर प्रदेशमा सबै भन्दा बढी आवेदन परेको छ ।  प्रदेश २ मा ३५ हजारले म्यादी प्रहरी बन्न आवेदन दिएका छन्। प्रदेश २ निर्वाचनको रणनीतिक विवादमा रहेको प्रदेश पनि हो । मधेश केन्द्रीत दलले कुनै हालतमा चुनाव हुन नदिने बताउदै आएका छन । जसको प्रभाव बढी पर्ने प्रदेश भनेको २ नम्बर प्रदेश हो ।

काठमाण्डौ,१८ चैत ।झण्डै ११ वर्षअघि निराहार बसेर ज्ञान प्राप्त गरिएको प्रचार गरिएका राम बहादुर बम्जन अहिले २५ वर्षको लक्का जवान भएका छन । उनी त्यतीबैलै संसारकै लागि आकर्षणका केन्द्र बनेका थिए ।   अहिले बम्जनले आफूलाई परमात्मा घोषणा गरेका छन् । उनले आफूलाई मैत्री धर्मको अनुयायी बताउदै मैत्री धर्मको प्रचार गरिरहेका छन् । उनका अनुयायीहरुले ललितपुरको चुनिखेलमा विश्व मैत्री शान्तिपूजाको आयोजना गर्दैछन् र  पूजाको लाखौं खर्च गरेर व्यापक प्रचारप्रसार भइरहेको छ ।

बीरगंज १७ चैत ।बहुदरामाई गाउपालिकाको साविक बिश्रापुर गाविसका स्थानीयबासीले पर्साका प्रहरी प्रमुखलाई भेटेर सोही ठाउका अनोद साह कलवारको हत्या घटनालाई निष्पक्ष रुपमा अनुसन्धान गर्न माग गरेका छन । चैत १५ गते अनुहार चिन्न नसक्ने गरि गहुँबारीमा फालिएको अवस्थामा साहको लास फेला परेको थियो । 

वीरगंज १७ चैत । स्व. पत्रकार काशीनाथ यादवको आज उहांकै जन्मथलो बारा जिल्लाको बेलदारीमा अन्तिम संस्कार गरिएको छ । । यसअघि बिहान वहांको पार्थिक शरिरमा नेपाल  प्रेस युनियनले उहांको पार्थिक शरिरमा युनियनको झण्डा ओढाएर सम्मान जाहेर गरेको थियो । 

वीरगंज १७ चैत । वीरगंज स्थित नेशनल मेडिकल कलेज शिक्षण अस्पतालका बरिष्ठ चिकित्सक डा. जगत प्रसाद दिपले अस्पतालमै एक बिरामीको ज्गनभ यखबचष्बल तगmयच को सफल अप्रेशन गरेका छन । बारा जिल्ला फेटा फुलवरिया . ८ घर भएकी १४ वर्षिय कविता साहको पेटमा करिब पाँच महिना देखि टयुमर पलाएको थियो । पाँच महिना देखी उपचारकालागि बिभिन्न अस्पताल चाहारे पनि अहिले मात्र सफल उपचार भएको भन्दै कविताका परिवारजनाले खुशी ब्यक्त गरे ।कविताका परिवारजनले छोरी रोगी हुनुको पीडा मात्र खेपेको थिएन समाज भित्रका केही मान्छेले दिएको मानसिक पीडामा पनि सहेको थियो ।

गौर १७ चैत ।राजेन्द्र महतोले नेतृत्व गरेको सदभावना पार्टीका केन्द्रीय सदस्य एवं युवा बिभागका प्रमुख योगेन्द्र राय यादवले पार्टी परित्यागको घोषणा गरेका छन । उनले पार्टी अध्यक्ष सीमित जातीय घेरमा रमाउदै पार्टीलाई परिवारवादमा सिमति राखी अलोकतान्त्रिक रबैयामा चन्ल खाजेकोले असन्तोष जनाउदै उनले पार्टीबाट राजीनामा दिएका हुन ।रौतहटको राजनीतिकमा सदभावना पार्टीको चर्चित नेताको रुपमा स्थापित यादवले पार्टीबाट राजीनामा दिएपछि रौतहटमा सदभावना कमजोर भएको बताइन्छ  ।  उनले पार्टी पूर्ण