बीरगंज ७ चैत । नारायणी यातायात बस ब्यवसायी संघको कार्यसमितिलाई जिल्ला प्रशासन कार्यालय पर्साले पटके बिघठन गरेपछि सम्मानीत अदालतले उसको निर्णयलाई उल्ट्याई दिएको छ ।

संयुक्त लोकतान्त्रिक मधेशी मोर्चाका नेता तथा कार्यकर्ताले जिल्ला समन्यव समिति पर्साको कार्यालयको बोर्ड मेटेर मधेस सरकार लेखेका छन्। साविक जिल्ला विकास समितिको कार्यालय केही दिन पहिले जिल्ला समन्वय समितिमा रूपान्तरित भएपछि बनाएको साइनबोर्ड मोर्चाले मेटाएको हो।

नेपालको आर्थिक राजधानीको रुपमा रहेको बीरगंज उपमहानगरपालिकालाई नेतृत्व गर्ने कस्तो मेयर आउलान भन्ने चचौ यतिवेला ब्यापक हुदै गएको छ ।

विकासका विघन बाधकको रुपमा गतिविधि गरे पछि राज्य तथा समाजले कालो सूचीमा राखेका पप्पु कन्ट्रक्सनका संस्थापक सञ्चालक हरिनायाण रौनियार मधेसका क्रान्तिकारी लोकप्रिय पार्टी संघीय समाजवादी फोरम नेपालमा प्रवेश गरे पछि स्थानीय चिन्तित भएका छन् ।

वीरगञ्ज, ६ चैत : संवैधानिक राजतन्त्र र हिन्दु राज्य विधानमा राख्न नपाउने निर्वाचन आयोगको निर्णय प्रति राष्ट्रिय प्रजातन्त्र पार्टी पर्साले विरोधमा आइतबार सा“झ वीरगञ्जमा मसाल जुलुस प्रदर्शन गरेको छ । वीरगञ्जको अलखिया मठबाट शुरु भएको जुलुसले नगर परिक्रमा गरेको थियो । जुलुसमा राप्रपा पर्साका अध्यक्ष रामचन्द्र चतुर्बेदी, प्रदिप सुवेदी, नेताहरु रामबहादुर थापा, सुमेश्वरनाथ उपाध्याय, भिमा यादब, अजय पौडेल लगायतको सहभागिता रहेको थियो ।

वीरगञ्ज, ६ चैत : एसईई परीक्षाको तेस्रोे दिन आइतबार अनिवार्य गणित विषयको परिक्षा सम्पन्न भएको छ । परिक्षामा पर्सामा नियमित तर्फ ६ हजार ८ सय ११ जना रहेको छ जसमध्ये ४३ जना प्राविधिक तर्फका विद्यार्थी रहेका छन् । छिटपुट घटना बाहेक परिक्षा शान्तिपूर्ण रुपमा सम्पन्न भएको जिल्ला शिक्षा कार्यालय पर्साकी परिक्षा फाटकी प्रमुख आशा गौतमले जानकारी दिइन । यसैगरी उता एसईईको अनिर्वाय गणित विषयको परीक्षमा बारा जिल्लामा तीनजना निरीक्षकलाई निस्कासन गरेको छ । परीक्षाको मर्यादा विपरित कामकाज गरेको भन्दै निरीक्षकहरुलाई पिपरपाति परिक्षा केन्द्रबाट निस्काशन गरिएको जिल्ला शिक्षा अधिकारी धनप्रसाद पोख्रेलले बताए । जिल्ला भरिमा परिक्षा शन्तिपूर्ण रुपमा सम्पन्न भएको परिक्षा फाँटका प्रमुख अशोक रौनियारले बताए । उनका अनुसार ९ हजार एक सय ५९ जना विद्यार्थी मध्ये ४ सय ४२ जना अनुपस्थित रहेका थिए ।

वीरगञ्ज, ६ चैत : नेकपा एमालेको बाराको जीतपुर सिमरा उपमहानगरपालिका वडा नं. १३ को डुमरवानामा अगुवा कार्यकर्ता भेला आइबार सम्पन्न भएको छ । भेलामा एमाले केन्द्रिय कृषि तथा भूमिसुधार विभाग प्रमुख पलट चौधरी, प्रदेश नं. २ का सदस्य भरत खड्का, जिल्ला सचिवालय सदस्य डा. कृष्ण पौडेल, जिल्ला सदस्य तारा कार्की, जिल्ला निर्वाचन कमिटी सदस्य रुपलाल चौधरी, नगर कमिटी पूर्वसदस्य बरुण गौतमलगायतले धारणा राखेका थिए । वडा कमिटी अध्यक्ष जादोलाल सहनीको अध्यक्षतामा सम्पन्न वैठकले चैत ११ गते शुक्रवार पोतामा प्रथम वडा अधिवेशन आयोजना गर्ने निर्णय गरेको छ । साथै वडास्तरमा युवा, महिला र दलीतलगायत जनसंगठनहरुको भेलासमेत गर्ने निर्णय गरेको छ । एमालेले उपमहानगरस्तरमा पार्टी संगठनलाई सुदृढ गर्ने, पुर्नसंरचना गर्ने र पार्टीले उठाएका राष्ट्रियता, स्वाधीनता, समृद्धिका मुद्दाहरुलाई जनतावीच लैजाने गरी अभियान अघि बढाएको छ ।

पोखरिया ६ चैत ।  संघीय समाजवादी फोरम नेपालका अध्यक्ष उपेन्द्र यादवले स्थानीय तहको बिभाजन, बिभेदलाई संस्थागत गर्ने प्रमुख आधार भएको बताएका छन । फोरम पर्साले पोखरिया नगरपालिकाआ आज आयोजना गरेको पार्टी प्रवेश कार्यक्रमलाई सम्बोधन गर्दै अध्यक्ष यादवले बिभेदलाई संस्थागत गर्ने स्थानीय तहको निर्वाचन गराउन कर्मचारीहरुलाई नआउन भनेका छन । उनले पहाडमा दश हजारमा प्रतिनिधि छानिने र मधेशमा त्यही प्रतिनिधि छान्न पचास हजार जनसंख्या चाहिने नीति नै गलत रहेको बताए । उनले यही अवस्थामा मधेशमा चुनाव नहुने ठोकुवा गरे ।  उनले मधेसी, जनजाति, आदिवासी, मुस्लिम र थारुलाई पछाडि पार्नकालागि राखिएका समबैधानिक प्रावधानहरु संशोधन गर्नुको बिकल्प नरहेको बताए । उनले स्थानीय तहको निर्वाचन केन्द् सरकारले गराएर संघीयतालाई असफल पार्न खोजिएको धारणा ब्यक्त गरे । 

बीरंगज ६चैत वीरगन्जका पहिलो मेयर केशर प्रसाद मानन्धरको आज निधन भएको छ । लामो समय देखि दम र स्वासप्रश्वासको समस्याबाट ग्रसीत ९५ वर्षिय मानन्धरको नारायणी उपक्षेत्रीय अस्पतालमा उपचारका क्रममा आज बिहान साढे ५ बजे निधन भएको हो । स्वास लिन गाह्रो भएपछि दुइ हप्ता पहिले मानन्धरलाइ नेशनल मेडिकल कलेजको आइसियु कक्षमा भर्ना गरिएको थियो । त्यहाबाट ल्याएर उनलाइ चार दिन पहिले नाराणी उपक्षेत्रीय अस्पतालमा भर्ना गरिएको र उपचारका क्रममा आज बिहान साढे ५ बजे उनको निधन भएको परिवारजनले बताएका छन् ।

रंगपुर ५ चैत्र बिधुत उपभोक्ता समिति गादीको छैठौ साधारण सभाले अध्यक्षमा पून दल बहादुर रानालाई सर्बसम्मत रुपमा चयन गरेको छ । समितिको उपाध्यक्षमा रामकुमार नेपाल सचिवमा बिजय गैरे सह सचिवमा महम्मद नौसाद आलम कोषाध्यक्षमा जगदीश भैया  सर्वसम्मत रुपमा चयन भएका छन ।      त्यसैगरि सदस्यमा बीरेन्द्र चौधरी मुनेश्वर महतो,रामचन्द्र गौरो निर्मला भूषाल श्रीराम अधिकारी सूर्य कडेल बिष्णुदयाल दास चयन भएका छन । साधारण सभामा सचिव बिजय गैरे र कोषाध्यक्ष जगदीश भैयाले प्रस्तुत गरेको प्रगती प्रतिवेदन र आर्थिक प्रतिवेदन सर्वसम्मत रुपमा पारित भएको छ ।

वीरगञ्ज, ४ चैत । चैत ३ गते बिहीबार बसेको जिल्ला सुरक्षा समितीको बैठकले स्थानीय तहको निर्वाचनलाई मध्यनजर गर्दै पर्सा जिल्लामा वैध/अवैध हातहतियारको खोजी कार्य सुरु गर्ने निर्णय गरेको छ । स्थानीय प्रशासनले कानुन बमोजिम अनुमति लिएको/नलिएको बन्दुक, पेस्तोल जस्ता हातहतियार यहि महिनाको मसान्त भित्र बुझाउन आग्रह गरेको छ । जिल्ला प्रशासन कार्यालय पर्साले शुक्रबार स्थानीय तह निर्वाचन अवधिभर कानुन बमोजिम अनुमति प्राप्त गरेका वा नगरेका हातहतियार जिल्ला प्रहरी कार्यालय पर्सामा बुझाउन आव्हान गरेको छ । वैध वा अवैध हतियार बुझाउन अटेर गर्नेहरुलाई कानुन बमोजिम कारबाही गर्ने सुरक्षा समितीका अध्यक्ष केशवराज घिमिरेले जानकारी दिए ।

बीरगंज ५ चैत । नयाँ शक्ति पार्टी पर्सामा दुईवटा जिल्ला समिति संचालनमा आएका छन । आज पत्रकार सम्मेलनको आयोजना गरि हरि मण्डलको अध्यक्षतामा नयाँ जिल्ला समिति निर्माण गरिएको जानकारी दिइएको हो । नेपाल पत्रकार महासंघ पर्सा शाखाको ज्योती सभाकक्षमा आयोजना गरिएको पत्रकार सम्मेलनमा, बलिराम साहको अध्यक्षतामा रहेको समितिले बैठक नवसालेको ,मनोमानी रुपमा केन्द्रीय परिषदमा नामावाली पठाएको,तानाशाही शैलीमा पार्टी संचालन गरेको ,कार्यालय संचालन गर्न नसकेको जिल्ला समिति निष्क्रिय रहेको कार्यकर्ता पंक्तिलाई हतोत्साही गर्ने गरि नेतृत्वले ब्यवहार गरेकोले नयाँ समिति बनाउनु परेको हरि मण्डलले बताए ।

बीरगंज ५ चैत । बीरगंजको औधोगीक क्षेत्रका चर्चित ब्यक्तिहरु संघीय समाजवादी फोरम नेपालबाट राजनीतिक क्षेत्रमा सक्रिय हुने भएका छन । सत्ताको नजिक रहेर आफनो अनुकल सबै पार्टी र नेतालाई उपयोग गर्न सक्ने उधोपतिहरु आफै राजनीतिक दलमा प्रवेश गरेर राजनीतिमा सक्रिय हुनुलाई अर्थपूर्ण रुपमा लिइएको छ । यसो त पहिला पनि उधोपतिहरुले बिभिन्न राजनीतिक दलहरुमा आफूलाई समाहित गर्दै आएका हुन । तर पछिल्लो पटक औधोगिक क्षेत्रकै केही ब्यक्तिहरुको गलत प्रवृतिका कारण उधोगीहरु आफै राजनीतिमा सक्रिय हुने निष्कर्षमा पुगेको बताइएको छ ।  चैत्र ६ गते पर्साका पोखरीयामा हुन गइरहेको समाजवादी फोरमको पार्टी प्रवेश कार्यक्रममा उधोगीहरुलाई पार्टीमा स्वागत गरिने  पार्टीका जिल्ला अध्यक्ष प्रदिप यादवले बताए  ।

कलैया, ३ चैत . नेपाल प्रेस युनियन जिल्ला कार्य समिति बाराले आफ्नो आन्दोलनका सबै कार्यक्रम फिर्ता लिएको छ । नेपाल पत्रकार महासंघ बारा र नेपाल प्रेस युनियन जिल्ला कार्य समिति बारा बीच फाल्गुन २३ गते भएको सहमति अनुसार बिहीबारबाट आफ्नो आन्दोलनका सबै कार्यक्रम फिर्ता लिएको प्रेस युनियन जिल्ला कार्यसमिति बाराले जारी गरेको प्रेस बिज्ञप्तिमा उल्लेख गरीएको छ ।

पोखरीया नगरपालिकामा नेकपा एमालेको भेला सम्पन्न भएको छ । भेलालाई सम्बोधन गर्दै नेकपा एमालेका केन्द्रिय सदस्य प्रहलाद गिरीले नेकपा एमाले र मधेशको सदियौ देखि नै सम्बन्ध रहेको र एमालेकै कारण मधेशबाट सामन्त र शोषकहरुको उन्मुक्ति भएको बताए ।

चैत २ बिरुवागुठी । नेकपा एमालेको तर्फबाट पर्साको क्षेत्र नं ३ बाट निर्वार्चित सभासद राजकुमार गुप्ताले आज एक समारोहकावीचमा आफनो निर्वाचन क्षेत्रमा पूलको शिलान्यास गर्नु भएको छ ।

बीरगंज २८ फाल्गुन । बीरगंजका ब्यवसायीहरुले राजनीतिक रुपमा अगाडि बढेर समाजको नेतृत्व लिने उदघोष गर्दैै राजनीतिक पार्टीमा प्रवेशको घोषणा गरेका छन । नेपालको निर्माण ब्यवसायमा अग्रणी संस्था पप्पु कन्ट्रक्सनका संचालक हरिनारायण रौनीयार बीरगंजको सरावगी ग्रुपका संचालक बिजय कुमार सरावगी र बीरगंजकै सत्य चलचित्र मन्दीरका संचालक प्रमोद साहले संघीय समाजवादी फोरम नेपालमा प्रवेशको घोषणा गरेका हुन ।

बीरगंज १८ फागुण । नेपाल पत्रकार महासंघ पर्सा शाखाको एघारौ जिल्ला अधिवेशनबाट अध्यक्षमा पुनः श्याम बन्जारा निर्वाचित भएका छन  ।

बीरगन्ज, १४ फागुन । नेपाल पत्रकार महासंघ पर्साको शाखाको आगामी फागुन १७ गते हुने जिल्ला अधिवेशनका लागि प्रेस चौतारी नेपालको नेतृत्वमा रहेको संयुक्त प्रगतिशिल व्यवसायिक पत्रकार समूहले उम्मेदवारी घोषणा गरेको छ । रेडियो वीरगंज परिसरमा शनिवार आयोजित उम्मेदवारी घोषणा कार्यक्रममा अध्यक्षमा श्याम बन्जारा ,उपाध्यक्षमा अनुप तिवारी ,समावेशी उपाध्यक्षमा मायामितू न्यौपाने , सचिवमा युवराज खड्का, सहसचिवमा खुल्ला तर्फ दिपक गौतम, र समावेशी तर्फ आर.के.पटेल र कोषाध्यक्षमा भुषण यादव उम्मेदवार हुने घोषणा भएको हो ।

राजनीतिक निकास र विकासका लागि दबाव कार्यक्रम