बीरगंज १० चैत ।नेकपा एमालेको धोवीनीमा आज भेला सम्पन्न भएको छ । पर्सा क्षेत्र नं ५ का सभासद जय प्रकाश गुप्ताको अध्यक्षतामा भएको भेलामा पार्टीका पोलिट ब्यूरो सदस्य नागेन्द्र चौधरीले नेपालका उत्पीडित जनताको हितमा एमाले दशकौ देखी लडदै आएको बताए ।

काठमाडौं १० चैत । नेपाल पत्रकार महासंघले अनलाइन मिडियालाई व्यवस्थित गर्ने नाममा सरकारले नियन्त्रणमुखी निर्देशिका जारी गरेको भन्दै आपत्ति जनाएको छ । निर्देशिका तत्काल फिर्ता नलिए विरोधका कार्यक्रम गरिने महासंघले चेतावनी दिएको छ ।

स्थानीय तहको निर्वाचनका लागि पर्सा जिल्लाका मधेसकेन्द्रित दलहरूले एमाले, कांग्रेसभन्दा पहिले निर्वाचन कार्यालयमा दल दर्ता गराएका छन् । तिनै दलका नेताले मधेसी जनतालाई भने मधेसकेन्द्रित राजनीतिक दलले स्थानीय तहको निर्वाचनमा भाग नलिने  भनिरहेका छन् ।

कथा तथा तस्विर: पंकज श्रेष्ठ

स्थानीय तह निर्वाचनको मिति नजिकिंदै गर्दा सुवर्णपुर गाउँपालिकाको उम्मेदवारहरूबारे बहस शुरु भएको छ । सुवर्णपुर गाउँपालिकामा साबिकका ठोरी, निर्मलबस्ती, सुवर्णपुर, सेढवा तथा महादेवपट्टी गरी ५ गाविस समावेश छन् ।

वीरगञ्ज, ९ चैत : पर्सा क्षेत्र नं ३ अन्तर्गत फुलकौल गाउँमा ४० लाखको लागतमा नाला तथा सडक निर्माणकार्य बुधबार देखि शुरू भएको छ । सांसद राजकुमार गुप्ताले बुधबार एक कार्यक्रमका बीच नाला तथा सडक निर्माणको शिलान्यास गरेका छन् । संसदिय बिकाश पूर्वाधार कार्यक्रम अन्तर्गत उक्त निर्माण कार्य शुरू भएको हो । आज सम्पन शिलान्यास कार्यक्रममा नेकपा एमालेका नेता प्रभु हजरा, ध्रुव कुशवाहा, लगायतको उपिस्थती रहेको थियो ।

काठमाण्डौ ९ चैत । स्थानीय तहको चुनावको लागि नेपाली सेना खटाउन सुरक्षा परिषद्को बैठकले सिफारिश गरेको छ । आज प्रधानमन्त्री निवास बालुवाटारमा बसेको बैठकले निर्वाचनमा सेनालाई मनोवैज्ञानिक सुरक्षाको लागि परिचालन गर्न सिफारिश गरेको हो ।

वीरगंज, ९ चैत वीरगंज भन्सार क्षेत्रमा प्रहरीले आज दिउँसो छापामारी गरि अबैध देहव्यापारमा संलग्न ८ जनालाइ पक्राउ गरेको छ । भन्सार क्षेत्रमा रहेक झुपडिमा अबैध रूपमा यौन व्यवसाय हुने गरेको सूचनाको आधारमा  वडा प्रहरी कार्यालय विर्ताको टोलिले छापामारी गरेको हो । 

बीरगंज, ९ चैत । कुल बाहादुर खड्काको नियती भोगे प्रहरी प्रमुख जयबहादुर चन्दले । अनि प्रधानमंत्री छन उनै प्रचण्ड । पुष्पकमल दाहाल नेतृत्वकै सरकारले ०६५ सालमा कुलबहादुरलाई सेनापति नियुक्तिको पत्र थमायो तर त्यो कार्यानवयन हुन सकेन ।

वलपरासी । नवलपरासी जिल्लको सरावल गाँउपालिका वडा नम्बर ४ ललितपुरमा आज एक बालिकाको मृत्यु भएको छ । साबिकको बडहरा दुबौलिया गाविस वडा नम्बर ३ का सिद्दिक कुजडाको नातिनी ३ वषिैया रोजिना कुजडाको मृत्यु भएको हो । कुजडाले घरमा खेल्ने क्रममा पेट्रोल खाएकोले आज दिँउसो मृत्यु भएको प्रहरी चौकी गोबरहिंयाले जनाएको छ ।

काठमाण्डौ ८ चैत सर्वोच्च अदालतले डिआइजी जयबहादुर चन्दलाई प्रहरी महानिरीक्षक (आइजी) बनाउने सरकारको निर्णय बदर गरेको छ । सर्वोच्च अदालतले डीआईजी जयबहादुर चन्दलाई प्रहरी महानिरीक्षक (आईजीपी) मा बढुवा गर्ने सरकारको निर्णय बदर गरेको छ । साथै प्रहरी नियमावली अनुसार उपयुक्त व्यक्तिलाई प्रहरी प्रमुख बनाउन निर्देशन दिएको छ ।

कलैया,८ चैत ।  नेपाल पत्रकार महासंघ बारा शाखाको हवला दिएर केही राष्ट्रिय तथा स्थानीय संचारमाध्याममा काठ तस्करी गर्न खोजिएको भन्ने भ्रामक समाचार प्रकाशित भएकोमा नेपाल पत्रकार महासंघ बारा शाखाले आफ्नो गम्भीर ध्यानाकर्षण भएको जनाएको छ ।      मंगलबार नेपाल पत्रकार महासंघ बारा शाखाका अध्यक्ष कमल कुमार उपाध्यायले एक प्रेस बिज्ञप्ती जारी गर्दै पत्रकार महासंघ सबै पत्रकारहरुको आस्थाको संगठन भएपनि संगठनकै अस्तित्व सिध्याउने गरी संस्थाकै साधारण सदस्यहरुबाट समाचार लेख्ने र समाचार प्रकाशित गर्ने कार्य गरिदा पत्रकार महासंघ र बाराका पत्रकारहरुको ब्यवसायिक मर्यादामाथ ठूलो धावा बोल्ने कार्य भएको उल्लेख गरेका छन ।

काठमाडौं, ८ चैत । नेकपा एमालेका अध्यक्ष केपी शर्मा ओलीले दुई नम्बर प्रदेशमा एमाले अझ प्रभावकारी रुपमा जाने बताएका छन् । पार्टीले सञ्चालन गरेको मेची–महाकाली राष्ट्रिय अभियानको क्रममा स्वयम्सेवक, सञ्चारकर्मी, स्वास्थ्यकर्मी, साँस्कृतिककर्मीलगायत विभिन्न क्षेत्रबाट सहयोग गर्ने व्यक्तिहरूलाई सम्मान तथा धन्यवाद ज्ञापन कार्यक्रमलाई सम्बोधन गर्दै ओलीले दुई नम्बर प्रदेशमा एमाले अझै प्रभावकारी भएर जाने घोषणा गरे । ‘निर्वाचनको वातावरण बनाउन, एमालेविरुद्ध छरिएका भ्रमहरु चिर्न दुई नम्बरमा एमाले अझ प्रभावकारी भएर जान्छ’ उनले भने ः ‘पस्न दिन्न भन्ने कुरा मान्य र स्वीकार्य हुन सक्दैन् ।’

चितवन, ८ चैत । वर्षातको समयअघि नै नारायणगढ–मुग्लिन सडक खण्डको भित्तो काट्ने काम सम्पन्न गर्न दैनिक सवारी आवागमन छ घन्टा रोकिने भएको छ । बिहान १० : ३० बजेदेखि अपराह्न ३ बजेसम्म सवारी रोकेर काम हुँदै आएकामा प्रभावकारी ढङ्गबाट काम हुन नसकेपछि चैत १५ गतेदेखि बिहान १० बजेदेखि अपराह्न ४ बजेसम्म सवारी रोकेर काम अगाडि बढाउन लागिएको हो । नारायणगढ–मुग्लिन सडक आयोजनाका इन्जिनियरका अनुसार सडक आवागमन ६ घन्टा रोकेर काम थालेपछि चार घन्टा काम गर्न पाइने छ । स्थानीय प्रशासनसँग समन्वय गरेर वर्षात् अगाडि नै भित्तो काट्ने लगायत महत्वपूर्ण संरचनाका काम सम्पन्न गर्न आवागमन समय थप रोकेर काम गर्न लागिएको बताइएको छ । सो सडक हुँदै दैनिक सात हजारको हाराहारीमा सवारी आवागमन गर्छन् ।

वीरगंज ७ चैत्र । बीरगंजको मुर्ली स्थित विद्यासदन मा.वि.का प्रिन्सिपलले कक्षा ८ मा अध्ययनरत विद्यार्थीहरुलाई चरमयातना दिएको भन्दै आज विहान अभिभावकहरुले प्रदर्शन गरेपछि विद्यालय क्षेत्रमा तनाव सृजना भएको छ । सो विद्यलायको कक्षा ८ मा अध्ययनरत.....

बीरगंज ७ चैत । नारायणी यातायात बस ब्यवसायी संघको कार्यसमितिलाई जिल्ला प्रशासन कार्यालय पर्साले पटके बिघठन गरेपछि सम्मानीत अदालतले उसको निर्णयलाई उल्ट्याई दिएको छ ।

संयुक्त लोकतान्त्रिक मधेशी मोर्चाका नेता तथा कार्यकर्ताले जिल्ला समन्यव समिति पर्साको कार्यालयको बोर्ड मेटेर मधेस सरकार लेखेका छन्। साविक जिल्ला विकास समितिको कार्यालय केही दिन पहिले जिल्ला समन्वय समितिमा रूपान्तरित भएपछि बनाएको साइनबोर्ड मोर्चाले मेटाएको हो।

नेपालको आर्थिक राजधानीको रुपमा रहेको बीरगंज उपमहानगरपालिकालाई नेतृत्व गर्ने कस्तो मेयर आउलान भन्ने चचौ यतिवेला ब्यापक हुदै गएको छ ।

विकासका विघन बाधकको रुपमा गतिविधि गरे पछि राज्य तथा समाजले कालो सूचीमा राखेका पप्पु कन्ट्रक्सनका संस्थापक सञ्चालक हरिनायाण रौनियार मधेसका क्रान्तिकारी लोकप्रिय पार्टी संघीय समाजवादी फोरम नेपालमा प्रवेश गरे पछि स्थानीय चिन्तित भएका छन् ।

वीरगञ्ज, ६ चैत : संवैधानिक राजतन्त्र र हिन्दु राज्य विधानमा राख्न नपाउने निर्वाचन आयोगको निर्णय प्रति राष्ट्रिय प्रजातन्त्र पार्टी पर्साले विरोधमा आइतबार सा“झ वीरगञ्जमा मसाल जुलुस प्रदर्शन गरेको छ । वीरगञ्जको अलखिया मठबाट शुरु भएको जुलुसले नगर परिक्रमा गरेको थियो । जुलुसमा राप्रपा पर्साका अध्यक्ष रामचन्द्र चतुर्बेदी, प्रदिप सुवेदी, नेताहरु रामबहादुर थापा, सुमेश्वरनाथ उपाध्याय, भिमा यादब, अजय पौडेल लगायतको सहभागिता रहेको थियो ।