नयाँ कानूनी ब्यवस्था अनुसार मुलुकमा राष्ट्रीय राजनीतिक दलको मान्यता पाँचवटा दलले मात्र पाउने भएका छन ।

प्रदेश २ को प्रत्यक्षतर्फको ६४ मध्ये मधेसी गठबन्धनको ३५ सिट आएको छ । समानुपातीक तर्फ दुबै दलको ९/९ मिलाउदा १८ हुन्छ । सरकार बनाउन चाहिने ५४ सिट हो ।

नेपाली कांग्रेस पर्साले प्रदेश नं २ को राजधानी बीरगंजलाई बनाउन नेपाल सरकारसंग माग गरेको छ ।

नयाँ सरकार गठनका विषयमा नेकपा एमाले र नेकपा माओवादी बेन्द्रबीच छलफल भएको छ ।

नेकपा एमाले निकट निजामती कर्मचारीहरुको आधिकारिक ट्रेड युनियन पर्साका अध्यक्ष सुवेदार यादवलाई पार्टीबाट निष्काशन गरिएको छ । वीरगंज महानगरपालिका वडा नम्बर २३ ईटियाही टोल निवासी यादवलाई नेकपा एमाले वडा कमिटीले कारवाही गरेको हो ।

पर्साको प्रतिनिधिसभा निर्वाचनको चारवटै क्षेत्र संघीय समाजवादी फोरम र राजपा गठबन्धनले जितेको छ । प्रतिनिधिसभाको चार र प्रदेशसभाको ८ वटा क्षेत्र रहेको पर्सा क्षेत्र नम्बर– १, २ र ३ मा संघीय समाजवादी फोरम नेपालका उम्मेदवार र ४ मा राजपा नेपालका उम्मेदवार विजयी भएका हुन् ।

कलैया २४ मंसिर ।बाराको क्षेत्र नं २ बाट प्रतिनिधि सभा सदस्यमा मधेशी गठबन्धनको तर्फबाट संघीय समाजवादी फोरम नेपालका महाचसचिव राम सहाय यादव बिजयी भएका छन ।

बाराको एकको प्रदेशसभा “क”मा एमाले नेता चौधरी बिजयी

प्रतिनिधिसभा तथा प्रदेशसभा निर्वाचनमा वीरगन्जका अल्पसंख्यक पहाडी समुदाय कुन पार्टीका उम्मेदवारलाई मत दिए सुरक्षित महशुस गर्न सकिन्छ भन्नेमा बहस गरिरहेका छन् । राष्ट्रिय पार्टी होस या क्षेत्रीय पार्टी मधेसी समुदायको बहुसंख्या रहेको वीरगन्जमा सबै पार्टीको ध्यान भने अल्पसंख्यक पहाडी समुदायको मत कसरी आफूतिर ल्याउने भन्नेमा केन्द्रीत रहेको छ । पर्सा निर्वाचन क्षेत्र नम्बर १ मा महानगरका २० वटा वडा परेको छ ।

बीरगंज १३ मंसिर । पर्सा जिल्लामा मुख्य प्रतिस्प्रर्धा बाम गठबन्धन र नेपाली कांग्रेस र मधेशी गठबन्धनका  उम्मेदवार बीच हुने देखिन्छ ।

रक्षामन्त्री तथा नेपाली काँग्रेसबाट काठमाडौँ निर्वाचन क्षेत्र नं ६ मा प्रतिनिधिसभा सदसय उम्मेदवार भीमसेनदास प्रधानले आफू पनि भष्ट्राचार नगर्ने र अरुलाई पनि गर्न नदिइने बताउनुभएको छ ।

काठमाडौँबाट नारायणगढतर्फ आउँदै गरेको बस इच्छाकामना गाउँपालिका– ३ चुम्लिङटारमा आज  बिहान ९:१५ बजे  दुर्घटना हुँदा मृत्यु भएकामा चार पुरुष र दुई महिला छन् ।

नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले तमसुक गरेर सरकार चलाउनुपर्ने बाध्यताबाट नेपाली जनतालाई मुक्त गर्न वाम गठबन्धन गरिएको बताउनुभएको छ ।  

नेपालले औद्योगिक विकासको माध्यमबाट आफू दिगो आर्थिक उन्नयनको मार्गमा अग्रसर भएको बताएको छ । अष्ट्रियाको राजधानी भियनामा जारी संयुक्त राष्ट्रसंघीय औद्योगिक विकास संगठन (युनिडो)को १७ औँ सम्मेलनमा नेपालले आर्थिक विकासको बाटामा अग्रसर भएको बताएको हो । 

वीरगन्जमा मंगलबार सुर्य चिन्ह र हसिँया हथौडा अंकित राता झण्डाहरुले फहराएको थियो । सयौं राता मान्छेहरु झण्डा लिएर सडकमा उत्रिएका थिए । प्रतिनिधिसभा तथा प्रदेशसभा निर्वाचनमा दलहरु चुनावी मैदानमा रहँदा बामगठबन्धनका उम्मेदवारहरुले पनि वीरगन्जको सडकमा लालझण्डा फहराए र शक्ति प्रदर्शन गरेका छन् ।

नेपाली कांग्रेस पर्सा निर्वाचन क्षेत्र नम्बर २ का प्रतिनिसिभा सदस्यका उम्मेदवार रहेका अजय चौरसियाको गाडीमा वम प्रहार भएको छ । वीरगन्ज महानगरपालिकाको वडा नम्बर १९ विन्दवासिनी वरवामा भएको कार्यक्रमका लागि गएका चौरसियाको रोकी राखेको ना ११ च ३४९८ नम्बरको गाडीमा अज्ञात समूहले वम प्रहार गरेका हुन् ।

प्रतिनिधिसभा तथा प्रदेशसभा निर्वाचनका बामगठबन्धनका उम्मेदवारहरुले आफ्नो प्रचार प्रसार र चुनावी भेलालाई तीब्रता दिएका छन् । पर्सा निर्वाचन क्षेत्र नम्बर १ का प्रतिनिधिसभा सदस्यका उम्मेदवार विचारी यादव, प्रदेशसभा निर्वाचन क्षेत्र १ र २ का उम्मेदवार क्रमशः रहबर अन्सारी र शम्भु गुप्ताले वीरगन्जको मूर्लीमा सोमबार चुनावी सभाको आयोजनालाई सम्बोधन गरेका छन् ।

उपराष्ट्रपति नन्दबहादुर पुन ‘पासाङ’ले प्रतिनिधिसभा र प्रदेशसभाको पहिलो चरणको निर्वाचन भव्य रुपमा सम्पन्न भएकोमा खुशी व्यक्त गरेका छन् । उनले मतदानमा सहभागी आम मतदातालाई बधाई तथा धन्यवाद दिएका छन् ।

पर्साको वीरगन्ज महानगरपालिका वडा नम्बर ३२ टेढामा बामगठबन्धनको चुनावी सभा सम्पन्न भएको छ । बामगठबन्धनका वडा संयोजक जुमाद्दिन अन्सारीको अध्यक्षतामा भएको कार्यक्रममा प्रतिनिधिसभा निर्वाचन क्षेत्र नम्बर १ का बामगठबन्धनका उम्मेदवार विचारी यादव, प्रदेशसभा निर्वाचन १ को ‘क’ का उम्मेदवार रहबर अन्सारी, नेकपा माओवादी केन्द्रका पोलिटव्यूरो सदस्य एवं समानुपातिक उम्मेदवार हरि मण्डल, समानुपातिक उम्मेदवार पस्मिना पादरी  वडा नम्बर ३२ का निर्वाचित वडा अध्यक्ष रियाज अन्सारी लगायतको उपस्थिति रहेको थियो ।

बीरगंज ९ मंसीर÷ पेशगत महासंघ र कर्मचारी संगठनको संयुक्त भेला शनिवार बीरगंज जेसिजको भवनमा सम्पन्न भएको छ ।